 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Тлумачыць можна нават кіем,
Тлумачыць можна і мятлою.
Нямыя размаўляюць ківам,
Вясёлых пальцаў мітульгою.
Нямыя моўчкі размаўляюць,
Нямую мову разумеюць.
Нямыя толькі не сьпяваюць,
Бо пець без голасу не ўмеюць.
Але ж вядуць свой сьпеў алені
I сінягубыя дэльфіны.
Мы ўчора толькі зразумелі,
Што адчуваюць нас расьліны.
Гавораць не нямыя рукі,
I радасьць, і журбу узносяць.
Мелёдыя — не толькі гукі, —
Узьлёт жыцьця на сьветлай ноце.
Нямыя бачаць, заўважаюць
Сьпеў зорачкі ў пару начную.
Нямыя крыламі сьпяваюць,
Таму, на жаль, мы іх не чуем.
Сьвет гулкай цішынёй напяты,
I пахнуць зоры цішынёю.
Нямыя — гэта немаўляты
Зь дзіцячай чыстаю душою.
1976
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
